Nami në Xing me Ermalin, mbi 300 vajza duan të zëvendësojnë Kejvinën

Të shtunën e kaluar në emisionin ‘Xing me Ermalin’, velina e emisionit Kejvina Kthella lajmëroi se pas një bashkëpunimi të gjatë me emisionin dhe moderatorin Ermal Mamaqi do të largohej pasi do të zhvendoset në Itali ku dhe diçka e bukur po e priste atje.
"Dua të ndjek ëndrrat e mia. Diçka e bukur më pret në Milano. Do më shikoni shumë shpejt në një kanal të fuqishëm italian", tha Kejvina.

Pas largimit të saj, moderatori Ermal Mamaqi lajmëroi se çdo vajzë e cila do të ishte e interesuar do të kishte mundësin të aplikonte për tu bërë velina e re e ‘Xing me Ermalin’. Ditën e sotme ambientet e Tv Klan janë mbushur me vajzat të cilat duan t’i zënë vendin Kejvinës.
Janë më shumë se 300 vajza që janë paraqitur në audicione dhe siç shihet nga pamjet konkurrenca mes tyre do të jetë e madhe. Na duhet të presim të shtunën për të parë në ‘Xing me Ermalin’ se kush do të jetë fatlumja që do të zëvendësojë Kejvina Kthellën.