"Çmendet” shqiptari, ther me thikë gruan nga Librazhdi 29-vjeçare në sy të vajzës 6-muajshe

Një ngjarje e rëndë është regjistruar në Bolzano, Itali, rreth orës 8 të mëngjesit të sotëm. Burime për Telegraf Albania bëjnë me dije se e plagosura rëndë është Mariana Çota, 29 vjeç nga qyteti i Librazhdit. Ajo është qëlluar me thikë nga bashkëshorti i saj në rrugën “Claudia Augusta”, teksa kishte në krahë foshnjën 6-muajshe. Pasi sulmoi bashkëshorten e tij, 41-vjeçari shqiptar Aldo Çota tentoi të arratisej, por u bllokua nga disa kalimtarë deri në ardhjen e forcave të rendit. Sipas burimeve për Telegraf Albania, mësohet se gruaja ndodhet në gjendje të rëndë shëndetësore në spitalin e Bolzanos. Ajo është nënë e 3 vajzave të mitura. Sipas atyre që shkruajnë mediat italiane, shqiptari ndaloi për të biseduar me partneren e tij e cila ishte me karrocë me vogëlushen dhe pas një debati, ai e qëlloi me thikë në bark dhe fytyrë. Çifti kishte disa vite që jetonte në Bolzano.

Foto ilustruese