Masakroi të dashurën me thikë, ja si hidhet maniaku nga kati i dytë për t'u arratisur

Një video e denjë për ndonjë film aksion është publikuar nga policia në Manchester. Pamjet në videon e publikuar tregojnë një burrë që hidhet nga kati i dytë dhe bie sipër një makinë.

Arratisja “spektakolare” vinte pasi ai kishte masakruar me thikë të dashurën e vet dhe po përpiqej të largohej duke u hedhur nga dritarja.

Michael Marler është dënuar tashmë me burgim të përjetshëm nga gjykata e Manchester Crown të premten për vrasjen e së dashurës së tij, Danielle Richardson.

Vajza u qëllua disa herë me thikë në shkurt të 2018 ndërsa i dashuri i saj e ka marrë dënimin vetëm së fundmi.

Sipas policisë, vetëm pak sekonda pasi e kishte qëlluar disa herë me thikë duke e lënë të vdekur të dashurën ai është hedhur nga dritarja për t’u larguar nga vendi i krimit.