Ja çfarë ndodhi me 7 vjeçaren me astma, që shteti i ndërpreu energjinë elektrike

Lajmi për ndërprerjen e energjisë elektrike të familjes Dervishi në Lushnjë, e cila ka një vajzë 7 vjeçe që vuan nga astma, solli reagime të shumta nga opinioni publik, të cilët kritikonin rëndë shtetin.

Ndërkohë që për këtë rast ka reaguar edhe OSHEE, ku përmes një deklarate për mediat bën me dije se sapo është njohur me rastin, i ka rilidhur energjinë familjes Dervishi.

Ja deklarata e OSHEE:

"Në lidhje me rastin e familjes Dervishi në fshatin Lekaj të Lushnjes, Operatori i Shperndarjes së Energjisë Elektrike (OSHEE Sh.A), sqaron se:

Familja ka kontratë me OSHEE me nr. 49339, në emër të Shahe Dervishi.

Të dhënat në sistem tregojnë se prej vitit 2010, abonenti ka krijuar debi ndaj OSHEE, edhe pse vlera mesatare e konsumit mujor është 1 mijë lekë.

Të hënën, datë 20 gusht, pasdite i është prerë energjia elektrike, por me tu njohur me rastin, kur nuk kishin kaluar më shumë se 24 ore, familjes iu lidh energjia elektrike (ende pa dalë kronika në TV)."

Sqarojmë se familja Dervishi ka qenë në fokus të mbështetjes nga ana e OSHEE Lushnjë, por cdo problematike të mundshme dhe do të vijojë të ndihmohet, sikurse OSHEE ka bërë me mbi 70 mijë familjet, të cilët kanë pranuar të lidhin aktmarreveshje te perfitimit social përmes paketave lehtësuese të pagesës së faturave!