Mbi 50 të vdekur në makina e rrugë, flakët përpinë njerëzit!

Pamje të rënda vijnë nga shteti fqinj, Greqia, ku të paktën 50 persona kanë ndërruar jetë, shumë të tjerë janë plagosur e rreth 700 prej tyre janë mundur të shpëtohen me helikopter nga ajri e nga deti, pas nisjes së flakëve të zjarrit në një resort në afërsi të kryeqytetit, Athinës.

Flakët e mëdha përpinë familjet me fëmijët e vegjël, teksa ata mundoheshin t’ia mbathnin nga Matim 29 km në lindje të kryeqytetit grek, i cili u përfshi nga flakët të hënën në mbrëmje. Ky është cilësuar si zjarri më i madh që prej kohës kur flakët përfshinë pjesën jugore të gadishullit të Peloponezit, në gusht të vitit 2007, duke lënë pas dhjetëra të vdekur.

Kryeministri grek, Alexis Tsipras, tha:

"Do të bëjmë gjithçka që është e mundur nga ana njerëzore, për të mbajtur flakët nën kontroll. Kemi shpallur gjendjen e emergjencës, janë mobilizuar forcat nga i gjithë vendi e kemi kërkuar edhe ndihmë".

Në imazhet që po qarkullojnë në rrjet vihen re radhë makinash të shkrumbuara, apo njerëz që i janë drejtuar detit për t’i shpëtuar flakëve.

Të paktën 104 persona janë plagosur, 11 në gjendje kritike për jetën, 16 prej tyre janë fëmijë.