Dy fëmijë dhe tre punonjës shqiptarë të shkrumbuar nga zjarri në Greqi

Mes shumë automjeteve të shkrumbuara nga zjarret në Greqi, është edhe makina e një emigranti shqiptar.

Në mënyrë jo zyrtare mësohet se brenda automjetit është gjetur një trup u shkrumbuar. Deri më tani, viktima nuk është mundur të identifikohet, ndërsa në media po flitet për një emigrant nga Tepelena.

Ambasada shqiptare në Greqi ka bërë me dije se deri më tani nuk ka informacion për të riun nga Tepelena, ndërsa shtojnë se nuk është raportuar për asnjë shqiptar të zhdukur apo të lënduar.

Paraprakisht dyshohet se edhe dy fëmijë shqiptarë dhe tre punonjës të një restoranti janë gjetur të vdekur.

Ndërkaq, në Greqi situata vazhdon të jetë dramatike. Nga informacionet paraprake thuhet se në zonat e përfshira nga flakët jetojnë shumë shqiptarë, por deri tani nuk ka njoftime për viktima.