Europian2020/ Shqipëria me fat, por nuk na ndahet Franca

U hodh para pak sekondash në Dublin shorti për grupet kualifikuese të Europianit 2020, i cili të luhet në disa shtete të ndryshme të Europës.

Kombëtarja shqiptare ka mësuar kundërshtarët dhe bën pjesë në Grupin H me Francën, Turqinë, Islandën, Moldavinë dhe Andorrën.

Kujtojmë që Francën e kishim kundërshtar si në eleminatoret e Europianit 2016, ashtu edhe në grupe!

Nga ana tjetër Kosova bën pjesë në grupin A me Anglinë, Çekinë, Bullgarinë dhe Malin e Zi.

Europiani do të mbahet në qershorin e vitit 2020 dhe do të zhvillohet në 12 qytete europiane.

Ato janë: Baku, Kopenhagen, Londër, Mynih, Budapest, Romë, Amsterdam, Dublin, Bukuresht, Shen Pjeterburg, Gllasgoud dhe Bilbao.

Ndeshja hapëse e Europianit do të zhvillohet në Romë, ndërsa finalja në Londër.