Ferri "djeg" Shqipërinë, ja sa do të shkojnë temperaturat në vazhdim

Vendi jonë është përfshirë sot nga një valë e madhe të nxehti. Sipas Meteoalb pika më e nxehtë e vendit dje ka qenë Vlora. Mësohet se temperaturat në këtë qytet kanë qenë 36.3°C, ndërsa për shkak të lagështirës vlerat ndiheshin sikur të ishin 48°C.

“Qyteti i Vlorës shumë i nxehtë: T = 36.3°C por prezenca e lagështirës prej 60%, bën që temp. të ndjehet ≈ 48°C.”, thuhet në një postim të Meteoalb në ‘Facebook’.

E njëjta situatë është ndjerë edhe në Tiranë, ku termometri ka shënuar 37 °C por është ndjerë në 43 °C.

Situata paraqitet alarmante edhe në Europë, ku sipas Meteoalb temperaturat nga Jugu deri lart në Qendër kapin vlerën e 36°C në Alpet Europiane por mbi 44°C në gadishullin Iberik.